ABŞ açıqladı: Azərbaycan 2020-ci ildə nə qədər neft hasil edəcək?

ABŞ açıqladı: Azərbaycan 2020-ci ildə nə qədər neft hasil edəcək?

ABŞ Energetika Nazirliyinin Enerji İnformasiya İdarəsinin (EIA) dekabr ayında enerji bazarının icmalında dərc edilmiş proqnoza görə, 2019-cu ildə Azərbaycanda neft və kondensat hasilatı gündə orta hesabla 0,79 milyon barel təşkil edəcək.

"Miq.Az" Trend-ə istinadən xəbər verir ki, EIA-nın proqnozlarına görə, 2019-cu ilin dördüncü rübündə hasilatın gündə 0,76 milyon barel olacağı gözlənilir.

Azərbaycanda neft və kondensat hasilatının 2020-ci il üçün rüblük proqnozu belədir: 2020-ci ilin birinci və ikinci rüblərində gündə 0.77 milyon barel və 0.76 milyon barel, üçüncü və dördüncü isə gündə 0.75 milyon barel.

EIA-nın məlumatına görə, 2018-ci ildə Azərbaycanda neft və kondensat hasilatının həcmi gündə 0,81 milyon barel təşkil edib.

Qeyd edək ki, Azərbaycanda neft hasilatının əsas həcmi "Azəri Light" markalı yüngül neft hasil edən "Azəri-Çıraq-Günəşli" dəniz yataqları blokunun payına düşür.

Miq.Az


İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
[email protected]

www.miq.az