AFFA 5 klubu cəzalandırıb

Bu gün AFFA-nın İntizam Komitəsinin iclası keçirilib.

Vətəninfo.az-ın Apasport.az-a istinadən məlumatına görə, yığıncaqda Topaz Premyer Liqasının III turunda baş verən qayda pozuntuları müzakirə olunub. Qurum 5 komandanı ümumilikdə 6400 manat cərimələyib.

 "Xəzər Lənkəran”la qarşılaşmada 5 futbolçusu sarı vərəqə ilə cəzalanan "Rəvan”  1000 manat cərimə olunub. Meydan sahiblərinin qırmızı vərəqə alan oyunçuları Elşən Rzazadə və Adrian Skarlatakenin cəzası eyni olub. Hərəyə 200 manat cərimə olunan futbolçular 1 oyunluq cəza alıb.

 Oyun başa çatdıqdan sonra "Xəzər Lənkəran” azarkeşləri tərəfindən meydançaya kənar əşyalar atıldığı üçün klub 2000 manat ziyana düşüb.

 AZAL – "Qarabağ”  matçının 82-ci dəqiqəsində meydan sahiblərinin baş məşqçisi Tərlan Əhmədov hakimə qarşı emosional şəkildə etiraz etdiyinə görə "texniki zona”dan  kənarlaşdırılıb. Buna görə 1 oyun cəzalanan çalışdırıcı klubunu 1000 manat xərcə salıb.

 "Qəbələ” – "Kəpəz” matçında 4 futbolçusunun sarı vərəqə ilə cəzalanan qonaqlar 1000 manat ödəyəcək. "İnter”lə qarşılaşmada 5 futbolçusu xəbərdarlıq alan "Zirə”nin də cəriməsi eyni olub.