Almaniyada qəhrəman övladlarımızın xatirəsi anılacaq

Sabah Almaniyanın Saksoniya əyalətinin Drezden şəhərində “Alm.az” Cəmiyyəti tərəfindən sovet qoşunlarının faşizm üzərində qələbəsinin 67-ci ildönümünə həsr olunmuş tədbir keçiriləcək.

“Vətəninfo.az” xəbər verir ki, tədbir naməlum sovet döyüşçüsünün abidəsi önünə əklilqoyma mərasimi ilə başlayacaq. Abidə önündə faşizm üzərində qələbənin əldə olunmasında əvəzolunmaz xidmətləri olan Azərbaycanın qəhrəman övladları Mehdi Hüseynzadə, Həzi Aslanov, Qafur Məmmədov və digərlərinin xatirəsi hörmət və ehtiramla yad ediləcək.
Mirvari Nəcəf