Amerika səfirliyi bəyanat yaydı

ABŞ SƏFİRLİYİ: “AZƏRBAYCAN HÖKUMƏTİNİ GÜNAHKARLARI MƏSULİYYƏTƏ CƏLB ETMƏYƏ CAĞIRIRIQ”

ABŞ-ın Azərbaycandakı səfirliyi jurnalist İdrak Abbasova olan hücumu pisləyib.

“Vətəninfo.az”ın“ Media forum”a istinadən xəbər verir ki, səfirlik yaydığı bəyanatda deyilir ki, medianın azadlığı hər bir demokratiya üçün vacibdir: “Jurnalistlər hədə-qorxu olmadan azad şəkildə işləyə biməlidirlər. Azərbaycan hökumətini dərhal əsaslı cinayət araşdırmasını başlatmağa və hücumda günahkar olanları məsuliyyətə cəlb etməyə cağırırıq”.

İdrak Abbasov aprelin 18-də döyülüb. Jurnalist Sulutəpə qəsəbəsində Dövlət Neft Şirkəti işçilərinin qanunsuz tikililəri sökməsini videoya çəkdiyi vaxt zorakılığa məruz qalıb. Şirkətin mühafizə xidmətinin işçiləri İdrak Abbasovun çəkiliş apardığını görəndə onun üstünə atılıblar, jurnalistin kamerasını əlindən alaraq ona ağır xəsarətlər yetiriblər Hazırda İdrak Abbazov Klinik Tibbi Mərkəzdə müalicə olunur.