Arvadı ilə mübahisə edib özünü yandırdı

Gecə saatlarında Qaradağ rayonu Lökbatan qəsəbəsində içkili kişi polisi və həkimləri ayağa qaldırıb.

Vətəninfo.az APA-ya istinadən xəbər verir ki, hadisə  qəsəbənin 20 Yanvar küçəsi, ev 30 ünvanında da  qeydə  alınıb. 

 

37 yaşlı Lökbatan  qəsəbəsinin sakini Qüdrət  Mahmudov evə içkili gələrək həyat yoldaşı Cəmalə Mahmudova  ilə  mübahisə  etməyə  başlayıb. Daha sonra içkinin təsirindən  Qüdrət  evdəki benzini üstünə tökərək özünü yandırıb. Səs-küyə  gələn  qonşular  çətinliklə  olsa da  Qüdrət  Mahmudovun  üstünə su tökərək  yanğını  söndürüblər.

 

Yaralı ağır vəziyyətdə hadisə yerinə gələn təcili tibbi yardım vasitəsi ilə paytaxtdakı 5 saylı xəstəxananın reanimasiya şöbəsinə  yerləşdirilib. Bundan  sonra  hadisə  baş verən  ünvana  Qaradağ  Rayon Prokrorluğu və polis idarəsinin əməkdaşları gəliblər. Xəstəxanadan verilən məlumata görə, hazırda Q.Məmmədovun vəziyyəti qeyri kafidir. İlkin araşdırmalar nəticəsində məlum olub ki, hadisə ailə münaqişəsi zəminində baş verib.