Ata, oğul bıçaqlandı

Vətəninfo.az  xəbər verir ki, Quba rayonunda ata və oğul bıçaqlanıb. “Qafqazinfo” ya daxil olan məlumata görə, hadisə şəhərin yeni yaşayış massivində qeydə alınıb. Quba rayon Zərdabi kənd sakinləri 38 yaşlı Səxavət Ağamaliyev və onun oğlu 17 yaşlı Siruz Ağamaliyev müxtəlif bədən xəsarətləri ilə Quba MRX-na yerləşdirilib.

Xəstəxanadan verilən məlumata görə, bel nahiyəsindən bıçaq xəsarəti alan Səxavət Ağamaliyev əməliyyat olunaraq, cərrahiyə şöbəsinə yerləşdirilib. Oğlunun xəsarətləri isə yüngül olduğundan ambulator müalicəyə göndərilib. Quba RPŞ-də verilən məlumata görə, faktla bağlı hələlik saxlanılan yoxdur. Hadisənin ailə münaqişəsi zəmnində baş verdiyi ehtimal olunur. Hazırda bu istiqamətdə əməliyyat axtarış tədbirləri davam etdirilir.

Vətəninfo.az