Avtomobillə qatar toqquşub

Azərbaycanda iki avtomobil elektrovozla toqquşub, ölən və xəsarət alanlar var.

Daxili İşlər Nazirliyinin mətbuat xidmətindən Vətəninfo.az-a verilən məlumata görə, noyabrın 22-də saat 11 radələrində Şəmkir rayonunun Sabirkənd kəndində qorunmayan keçiddə Zəyəm qəsəbə sakini Sənan Bayramov idarə etdiyi “VAZ-2109” markalı avtomobili elektrovoza vurub. Nəticədə sürücü S.Bayramov hadisə yerində ölüb.

Oxşar hadisə Xızı rayonu ərazisində də baş verib. Noyabrın 21-də saat 18 radələrində Xızı rayonunun Sitalçay kəndində qorunmayan keçiddə Sumqayıt şəhər sakini İxtiyar Hadıyev idarə etdiyi “Volkswagen” markalı avtomobili elektrovoza vurub. Nəticədə sürücü və 1 sərnişini xəsarət alıb. Onların hər ikisi xəstəxanaya yerləşdiriliblər.