Azərbaycan yüklərin ixracı üzrə xərcləri azaltmağa hazırlaşır

Azərbaycanın İqtisadiyyat və Sənaye Nazirliyi sahibkarlardan yükdaşıma xərclərinin azaldılması üzrə təkliflər gözləyir.

VİZUAL.az xəbər verir ki, bunu iqtisadiyyat və sənaye nazirinin müavini Sahil Babayev Bakıda İxracatçılar Klubunun ikinci iclasında deyib.

O, qeyd edib ki, ixracatçıların üzləşdiyi əsas problemlərdən biri sertifikasiya məsələsidir: "Fikrimcə, sertifikasiya ilə bağlı bəzi dəyişikliklər edə bilərik".

Nazirin sözlərinə görə, son 10 ildə Azərbayanın əmtəə dövriyyəsi 4 dəfə artıb: "Ölkəyə qoyulan investisiyaların həcmi isə 200 milyard dolları ötüb. Bunun 48 faizi xarici investisiyaların payına düşür. Bu ilin 10 ayında Azərbaycanın əmtəə dövriyyəsi 17,2 milyard dollar təşkil edib".