Azərbaycanda balığın mədəsindən heroin çıxdı - FOTO

Ədliyyə Nazirliyinin Penitensiar xidmət əməkdaşları həbsxanaya narkotik keçirilməsinin qarşısını alıblar.

Ədliyyə Nazirliyinin mətbuat xidmətindən Vətəninfo.az-a verilən məlumata görə, həyata keçirilmiş axtarış-baxış tədbirləri nəticəsində 2 saylı cəzaçəkmə müəssisəsində cəza çəkən, Azərbaycan Respublikası Cinayət Məcəlləsinin 206.2; 234.4.3 və 66.3 maddələrinə əsasən azadlıqdan məhrum edilmiş məhkum Nahid Mirmehdi oğlu Ağayevin yanına qısamüddətli görüşə gəlmiş yeznəsi Mübariz Vaqif oğlu Qasımovun gətirdiyi sovqata və üzərinə baxış keçirilən zaman, 2 (iki) ədəd quru balığın içərisində gizlədilmiş, 7 (yeddi) ədəd sellofana bükülmüş xalis çəkisi 13.171 qram olan narkotik vasitə “Heroin” aşkar edilərək götürülüb.

Fakt üzrə araşdırma aparılır.

Vətəninfo.az