Azərbaycanla 500 milyonluq müqavilə pozulur...- Putinə görə

Azərbaycan hakimiyyətinə Qərbin siyasi basqıları - xüsusilə məhkəmələrin QHT təmsilçilərinə ağır cəza verməsinə qarşı bəyanatlarının artdığı bir vaxtda Rusiya daha irəli gedərək rəsmi Bakıya qarşı çox hiyləgər planını işə salıb.

Vətəninfo.az "Qafqazinfo"ya istinadən xəbər verir ki, məlum olub ki, Kremllə son aylar ciddi anlaşma içərisində olan Yunanıstan hökuməti ölkənin qaz kəmərləri sisteminin operatoru olan DESFA şirkətinin səhmlərinin 66 faizinin SOCAR-a satışına dair 2013-cü ildə bağlanmış müqaviləni pozmağa qərar verib. SOCAR tərəfindən DESFA-nın səhmlərinin üçdə ikisinin 500 milyon dollara alınmasına dair müqaviləyə bir neçə aydır ki, Avropa Komissiyasının antiinhisar komitəsində ləngidilirdi və Azərbaycan tərəfi bununla bağlı bir neçə dəfə etirazını bildirib. Bəzi müşahidəçilər bunu Avropa Birliyinin Azərbaycana qarşı sanksiya təhdidi kimi qiymətləndirirdi. İddia edilirdi ki, bu, “Şərq Tərəfdaşlıq” Proqramının assosiativ sazişini imzalamadığı üçün Avropa Birliyinin rəsmi Bakıya “yumşaq sanksiyasıdır”.