Azərbaycan vətəndaşları növbəti dəfə iki dövlət qurumunun çəkişməsinin qurbanı olub.

Vizual.az xəbər verir ki, Əmək və Əhalinin Sosial Müdafiəsi Nazirliyi ilə "Azərişıq"ASC arasında baş verən borc qalmaqalı havaların şaxtalı keçdiyi bir məqamda Mərdəkanda gənc əlillər üçün müalicə pansionatının işığının sönməsinə səbəb olub.

Əhməd Rəhmanov adlı istifadəçi Feysbukda məlumat yayaraq, hazırda əlillərin acınacaqlı vəziyyətdə olduqlarını bildirib:

"Mərdəkanda gənc əlillər evinin işığını söndürüblər. Buna səbəb isə Əmək və Əhalinin Sosial Müdafiəsi Nazirliyinin "Azərişıq"ASC-yə borcunun olması göstərilir. 10-dan çox əlil səhərdən ac-susuzdur. Binada qaz da yoxdur. Bu gün orda bir əlilin başına xəta gəlsə, hamı güllə kimi axışacaq. İndi isə onlara kömək edən yoxdur".