Bakı Dövlət Sirkində müdhiş özbaşınalıq – FAKT

Bakı Dövlət Sirkində müştəri haqları pozulur.

VİZUAL.az-ın əldə etdiyi məlumata görə, sirkin kassalarında bilet qiyməti süni şəkildə qaldırılır, zalın ən yaxşı yerlərində olan biletlər dəllallar vasitəsi ilə baha qiymətə satılır.

Bu barədə müştəri Leyla Kərimli məlumat verib. Onun sözlərinə görə, bu hal uzun müddətdir ki, təkrarlanır:

"Bakı Dövlət Sirkinin kassaları bir gün üçün (hətta bir neçə həftə sonraya belə) ön və orta sıralarda biletin qalmadığını deyir. Bilet satıcıları deyir ki, hamısı satılıb. Əvəzində əldə bilet satanlar (dəllallar) kassadakı biletləri 5 manat bahasına satırlar. Və hər gün üçün də yaxşı yerlərə əllərində bilet var. Buna nəzarət edən qurum yoxdur? Deyilənə görə, bu, həmişə belə olub. Amma indiyə kimi maraqlanmadığım üçün xəbərim yox idi”.