Bakı-Şamaxı yolunda qəza

Vətəninfo.az  xəbər verir ki, bu gün saat 15:00 radələrində Bakı-Şamaxı yolunun 108-ci kilometrliyində zəncirvari yol qəzası baş verib. Baş Dövlət Yol Polis İdarəsindən ANS PRESS-ə verilən məlumata görə, Şamaxı rayonu ərazisində baş verən qəzada 4 nəfər ağır yaralanıb. Belə ki, “KamAZ” markalı yük maşını qarşıdan gələn “Mercedes” markalı avtomobilinə çırpılıb. Daha sonra isə yük maşını “VAZ-2107” markalı maşını vurub.

Qəza nəticəsində “Mercedes”in sürücüsü Ziya Ağarəhimov və “Jiquli”nin sürücüsü Qalib Ağayev, sərnişinlər Tərlan Ağayev və azyaşlı oğlu Rəsul Ağayev ağır yaralanıblar. Yaralılar xəstəxanaya yerləşdiriliblər. İlkin ehtimala görə, hadisəyə “KamAZ” markalı yük maşının sürətlə hərəkət edərkən idarəetməni itirməsi səbəb olub. Faktla bağlı araşdırma aparılır.

Vətəninfo.az