Bakıda kirayədə qalan şəxs bıçaqlandı

Bakıda adam bıçaqladığına görə 2 yeniyetmə tutulub.

Bakı şəhər Baş Polis İdarəsinin mətbuat xidmətindən Vətəninfo.az-a verilən məlumata görə, oktyabrın 15-də A.Qurban küçəsində iki nəfər naməlum şəxs, orada kirayədə yaşayan Bakı şəhər sakini, 1991-ci il təvəllüdlü Pavel Bardinə bıçaq xəsarəti yetirib.

Xətai Rayon Polis İdarəsi 37-ci PB əməkdaşlarının keçirdikləri əməliyyat tədbirləri nəticəsində, cinayətdə şübhəli bilinən Bakı şəhər sakinləri, 1997-ci il təvəllüdlü Ə.Qurbanov və 1998-ci il təvəllüdlü Ə.Qəribov tutulublar.