Bakıda şirkət ofisi qarət olunub

Bakının Səbail rayonunda şirkət ofisindən oğurluq edən şəxs tutulub.

Bakı şəhər Baş Polis İdarəsindən "Vətəninfo.az"a verilən məlumata görə, iyunun 18-nə keçən gecə Bakı şəhər sakini Şaban Əsədliyə məxsus Kiçik Qala küçəsində yerləşən “Biznes Holleri” şirkətinin ofisindən qapını sındırma yolu ilə ştativi ilə birlikdə “Canon-5D” fotoaparatı, kamera və digər avadanlıqlar oğurlanıb. 

Səbail Rayon Polis İdarəsi 9-cu Polis Bölməsi əməkdaşlarının keçirdikləri əməliyyat-axtarış tədbirləri nəticəsində oğurluqda şübhəli bilinən Bakı şəhər sakini Vüsal İsmayılov iyunun 19-da yaxalanıb. 

Faktla bağlı araşdırma aparılır.