Bakıda xəstəxanada oğurluq olub

Bakıda xəstəxanada oğurluq edən şəxs tutulub.

 Bakı şəhər Baş Polis İdarəsindən ANS PRESS-ə verilən məlumata görə, əməliyyat Yasamal rayon Polis İdarəsi 29-cu polis bölməsi əməkdaşları tərəfindən keçirilib.

Keçirilən əməliyyat-axtarış tədbirləri nəticəsində Bakı şəhər sakini 1974-cü il təvəllüdlü İmran Kərimov tutulub. O, noyabrın 11-də Tbilisi prospektində yerləşən dioqnostika mərkəzinin iş otağından, içərisində 65 manat və bank kartı olan pul kisəsini oğurlayıb.

Saxlanılan şəxs istintaqa təhvil verilib.

Şübhəli şəxsdən 1,456 qram heroin aşkar olunaraq götürülüb.

Faktla bağlı araşdırma aparılır.