Dekabrda Avstraliyada konsert verməyə hazırlaşan rep ifaçısı Kris Braun keçmiş sevgilisi, müğənni Rihannanı döydüyü üçün viza qadağası ilə üzləşib.
Kris 2009-cu ildə Rihannanı döyərək üzünü tanınmaz hala salmışdı. Avstraliya da bu səbəbdən qadına şiddətə görə onu qara siyahıya salıb.
Artıq biletləri satışa çıxarılan konsertinə gedə bilməyəcək K.Braun avstraliyalı qadın nazir Mikaela Keşin də tənqidinə məruz qalıb:
"İnsanların başa düşməsi lazımdır. Əgər qadına qarşı güc tətbiq etdinsə və səyahət etmək istəyirsənsə, orada ölkələr var. Bizim gözlədiyimiz xasiyyətdə olmadığın üçün bu ölkəyə girə bilməzsən".
Braunun etiraz etmək üçün 28 günü var. O, bundan əvvəl Kanadadan gələn qadağaya görə, Montreal və Toronto konsertlərini təxirə salmalı olmuşdu.

Axşam.az