Bu yolda hərəkət 10 günlüyə məhdudlaşdı

Ötən gecə Ələt-Astara avtomobil yolunun 72-ci kilometrliyində, Mil-Muğan kollektorunun üzərində yerləşən avtomobil körpüsü normadan artıq yüklənmiş ağır tonnajlı maşının keçidindən sonra qəzalı vəziyyətə düşüb.

Virtualaz.org saytının Şirvan bürosunun müxbiri xəbər verir ki, qəza nəticəsində 90 metr uzunluğu olan körpünün hərəkət zolaqlarından biri təmirə dayandırılıb. Bu üzdən avtomobillərin hərəkətində məhdudiyyətlər yaranıb. Körpünün sıradan çıxmış 4 tirinin bərpasına isə 10 günə yaxın vaxt lazım olacağı bildirilir.
Bərpa işlərini Azərbaycanda ən böyük körpü inşaatçısı olan “EVROSCON” şirkəti həyata keçirəcək. Artıq şirkətin mütəxəssisləri hadisə yerinə gələrək “Azəryolservis” ASC-nin nümayəndələri ilə birgə qəzalı vəziyyətə düşmüş körpüyə baxış keçiriblər. Qəzanın nəticələrinin qısa müddətdə aradan qaldırılması üçün müvafiq rəy hazırlanıb.
Qeyd edək ki, hazırda yeni çəkilən Ələt-Astara avtomobil yolunun tikintisini və həmin yolun üzərində inşası başa çatdırılmaqda olan körpünün tikintisini də “EVROSCON” şirkəti həyata keçirir.

Vətəninfo.az