Bulvarda musiqiçilər dalaşdı

Vətəninfo.az  xəbər verir ki, Bakı bulvarında küçə musiqiçiləri dava salıb. Bulvar İdarəsinin təhlükəsizlik xidmətinin rəisi Müqabil Baxşıyevin ANS PRESS-ə verdiyi məlumata görə, hadisə sentyabrın 11-də Saat qülləsi yaxınlığında qeydə alınıb. Belə ki, küçədə gitara ifa edən gənclər arasında münaqişə baş verib. Nəticədə 19 yaşlı Çingiz adlı musiqiçi bıçaqlanıb.

“Gənci bizim təhlükəsizlik xidməti əməkdaşlarımız bıçaqlanmış halda tapıblar. Deyilənlərə görə, onun elə öz yoldaşları bıçaqlayıb. Çingiz ağır yaralı idi. Onu danışdıra bilmədik. Polis çağırdıq, onu xəstəxanaya yerləşdirdik”, - deyə Müqabil Baxşıyev bildirib. Faktla bağlı araşdırma aparılır.

Vətəninfo.az