Cavid Qurbanov prezidentin qonaq evin mənimsəyib

Olqraxın Gəncədə tikdirdiyi prezidentin qonaq evində çatlar əmələ gəlib

Bir neçə il əvvəl Gəncədə qonaq evinin tikintisini həyata keçirən “Azəryolservis”in 89 saylı Yol İstismarı İdarəsi aparıb. Sözü gedən idarənin rəhbəri Tahir Əliyevin vasitəsilə deputat Cavid Qurbanov milyonlarla manat əldə edə bilib

Bu barədə PİA.AZ-a daxil olan məlumata görə sonradan qonaq evinin divarlarında ciddi çatlar əmələ gəlib. Bu ilin əvvəlində isə dövlət başçısı İlham Əliyevin Gəncəyə səfəri zamanı qonaq evində yaranmış prblemlər ört-basdır edilib. 

Mənbənin sözlərinə görə, sözü gedən idarənin rəisi Tahir Əliyev Cavid Qurbanovla dostluq münasibətlərindən yararlanaraq bir sıra milyonluq proyekt həyata keçirib. Hətta bu maxinasiyalardan əldə edilən pullarla idarə rəisi Bakıda özünə dəbdəbəli villalar və obyektlər alıb.

Ümumiyyətlə “Azəryolservis”in nəzarətində olan Yol İstismarı İdarələrində analoji vəziyyətin hökm sürdüyü artıq höküməti narahat etməyə başlayıb. Elə buna görə də kifayət qədər maliyyə-iqtisadi resurslara nəzarət edən nəqliyyat naziri Ziya Məmmədovun sağ əli sayılan Cavid Qurbanovun sıradan çıxarılması gündəmə gəlib. Lakin ilkin mərhələdə “Azəryolservis” şefinin nəzarətində olan idarə rəhbərlərinin vurulması müzakirə edilir.

pia.az