Əhmədinejad: "Biz hər zaman Ermənistanın yanında olacağıq"

İran İslam Respublikasının prezidenti Mahmud Əhmədinejad Ermənistan prezidenti Serj Sərkisyana telefon açaraq bölgədəki son durumu erməni həmkarı ilə müzakirə edib. Modern.az İran mətbuatına istinadən verdiyi məlumata görə, Əhmədinejad Ermənistanla İran arasındakı sıx dostluq-qardaşlıq əlaqələrindən məmnun olduğunu bildirərək rəsmi Tehranın hər zaman ermənilərin yanında olacağını bəyan edib. Ermənistanı özünə strateji müttəfiq kimi qiymətləndirən Əhmədinejad rəsmi İrəvanın iqtisadi problemlərin həllində yaxından köməklik edəcəklərini ifadə edib.