Əmi öz qardaşı qızını zorlayıb

Məscid həyətinə atılan uşaq zorlamanı ortaya çıxardı.

ANS PRESS-in məlumatına görə, Türkiyədə 20 yaşlı qızı öz doğma əmisi zorlayıb. Bir neçə ay öncə baş verən hadisənin üstünü isə gənc ananın peşmanlığı açıb. Belə ki, 20 yaşlı E.G-nin atası o hələ 5 aylıq olanda xərçəngdən ölüb. Anası isə qızını da götürərək qayınatasının yanına gedib.

Babasının evində qıza özündən 4 yaş böyük əmisi təcavüz edib. Bu hadisədən bir müddət sonra o anası ilə birlikdə İstanbula qayıdıb. Qız hamiləliyini 8 ay geniş geyimlər və qarnını bağlamaqla gizlədə bilib. Qızının ayaqlarının şişməsindən şübhələnən anası həkimə aparanda hamiləlikdən və zorlamadan xəbər tutub.

Bir ay sonra doğulan körpəni ana və qızı məscidin həyətinə atıblar. Lakin sonradan gənc ana əməlindən peşman olub və qızını geri qaytarmaq istəyib. Uşağı axtaran qız onu körpələr evində tapıb. Körpələr evindən uşağı almaq istəyən qız polisə baş verənləri danışmalı olub.

E.G-nin ifadəsindən sonra qardaşı qızının namusuna göz dikən əmi saxlanılıb. Onun 10 ilə qədər azadlıqdan məhrum edilməsi tələb edilir.

Çarəsiz körpəni atan ana və qızı isə 3- 1,5 ay həbs cəzası alıb.