Erməni diversantın meyiti qaytarıldı

Azərbaycanda nəzarət altında saxlanılarkən vəfat edən Ermənistan vətəndaşının meyiti bu gün BQXK-nın himayəsi altında keçirilən əməliyyat zamanı repatriasiya olunaraq Ermənistanın hakimiyyət orqanlarına təhvil verilib.

Vətəninfo.az xəbər verir ki, bu barədə Beynəlxalq Qızıl Xaç Komitəsinin (BQXK) Azərbaycan nümayəndəliyi məlumat yayıb.

Təhvilvermə Azərbaycanın Qazax şəhəri ilə Ermənistanın İcevan şəhəri arasında yerləşən yolda, beynəlxalq sərhəddə baş tutub.

Cenevrə Konvensiyalarına əsaslanan mandatına uyğun olaraq BQXK, Dağlıq Qarabağ münaqişəsi ilə bağlı, 1992-ci ildən bəri bu regionda fəaliyyət göstərir. Təşkilat, neytral vasitəçi qismində dəfələrlə Azərbaycan və Ermənistanın hakimiyyət orqanlarına insan qalıqlarının repatriasiyasının təşkilində yardımçı olub.