Ermənilərlə kürdlər arasında kütləvi dava

Rusiyanın Ulyanovsk vilayəti, Novospask rayonunda erməni və kürd icmaları arasında milli zəmində toqquşma baş verib.

Vətəninfo.az-ın məlumatına görə, Modern.az Rusiya KİV-nə istinadən xəbər verir ki, Novospask rayonunun Repyevka kəndində baş verən kütləvi dava zamanı 46 yaşlı erməni öldürülüb, daha 2 erməni isə ağır güllə yarası alıb. Odlu silahdan istifadə olunan insident zamanı yaralanan ermənilərin doğma qardaş olduğu və ağır vəziyyətdə xəstəxanaya yerləşdikləri məlum olub.

Ulyanovsk vilayətinə kütləvi məskunlaşan erməni və kürd icmaları arasında biznes sferasında rəqabətin olduğu və toqquşmanın da bundan qaynaqlandığı deyilir.

Faktla bağlı Ulyanovsk Prokurorluğu cinayət işi açıb.