Ermənistana Rusiyadan milyardlıq yardım

Vətəninfo.az  xəbər verir ki, Ermənistandakı Atom Elektrik Stansiyasının yeni enerji bloku 4,5 milyard dollara başa gələcək. Axar.az xəbər verir ki, bu açıqlama ilə Ermənistanın Energetika və Təbii Sərvətlər naziri Ervand Zaxaryan çıxış edib. O, yeni enerji blokunun tikilişinə əsas dəstəyin Rusiya tərəfindən veriləcəyini bildirib:

“Yardımın bir hissəsi Rusiya hökuməti tərəfindən xammal formasında təqdim ediləcək. Digər hissəni isə biz başqa dövlətlərlə apardığımız danışıqların nəticəsi olaraq maliyyə yardımı şəklində alacağıq. Yeni enerji blokunun tikintisinə 2018-2019-cu ildə başlamaq nəzərdə tutulub”.
 
Xatırladaq ki, Metsamor AES-in istifadə müddətinin ötdüyü və ətraf üçün təhlükə törətdiyi barədə beynəlxalq təşkilatların rəyi, AES-in ləğv edilməsi qarşılığında kompensasiya və alternativ enerji yaratmaq üçün yardım planı hazırlansa da, Ermənistan bu qərardan imtina edib və AES-in istismarına davam etdirməkdədir.

Vətəninfo.az