"Fresco” supermarketlər şəbəkəsindən kütləvi narazılıqlar var. Marketlər şəbəkəsi dövriyyənin az olması səbəbindən işçilərin kütləvi ixtisarına hazırlaşır. Artıq bir neçə növbədə işçilər öz iş yerlərindən olub.

VİZUAL.az xəbər verir ki, bu da müştərilərin narazılığına səbəb olur: kassa önündə uzun növbələr, istifadə tarixi bitmiş məhsulların vitrində yığılıb qalması, market daxilində söz soruşmağa satıcıların olmaması, qastranomiyada növbələrin yaranması və alıcılarla kobud ünsiyyət jarqonu.

"Facebook” səhifəsində "Fresco” supermarketlər şəbəkəsindən şikayətlənənlərin də sayı az deyil. Xüsusilə, müştərilər satıcıların alıcılarla davranış qaydalarından gileylənir.

Bildirək ki, daha əvvəl İqtisadiyyat və Sənaye Nazirliyi sözügedən marketi cərimələyib. Nazirlik yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti Xırdalanda "Azeri Retail” MMC-yə məxsus "Fresco” marketlərdə aparılan yoxlamalar zamanı satışda olan malların yarlığında göstərilən qiymətlərlə, həmin malların nəzarət kassa aparatının fiskal yaddaşında olan qiymətləri arasında fərq yaradılaraq əsassız qiymət artımına yol verilməklə istehlakçıların qiymətdə aldadıldığı müəyyən edib.

Ümumiyyətlə, "Fresco” supermarketlər şəbəkəsi artıq neçənci dəfədir ki alıcılara vaxtı keçmiş məhsullar satmağa davam edir. Supermarketin "Af-mall” və Novxanıda yerləşən filiallarında vaxtı keçmiş məhsullar satılır. İnsanların sağlamlığını deyil, pullarını, ciblərini düşünən mağaza alıcılarına dəyər vermir.