Günahsız günahkaram, günahımı bilmirəm

Sözləri jurnalist Alim Nəbioğluna, musiqisi bəstəkar-müğənni Arif Səlimova məxsus “Günahsız günahkaram, günahımı bilmirəm” adlı mahnı həyata vəsiqə aldı. Səbəbsiz gedişlərdən, səbəbsiz ayrılıqlardan bəhs edən mahnını elə bəstəkar özü ifa edib. Mahnının aranjimanı Arzu Abbasovaya məxsusdur. Mahnı bəstəkarın doğum günü - 23 dekabrda nüfuzlu konsert salonlarının birində səslənəcək. Başı Xəzər TV-də efirə gedən “Ləziz dad” verilişinə qarışan bəstəkarla əlaqə saxlamaq istəsək də, telefonuna zəng çatmadı. Özünü həm də bir aşpaz kimi sınayan bəstəkar-müğənni gərgin çəkilişlərdən sonra yəqin mahnının yaranma tarixi ilə bağlı açıqlama verəcək.

Araz Hacıyev

Vətəninfo.az