Gürcüstandakı 21 məscidə mədəniyyət abidələri statusu verilib

Gürcüstanın bəzi bölgələrində fəaliyyət göstərən məscidlərin bir neçəsinə ölkənin Mədəniyyət və Abidələrin Mühafizəsi Nazirliyi tərəfindən mədəniyyət abidəsi statusu  verilib. “Vətəninfo.az”ın  məlumatına görə, Gürcüstanın mədəniyyət və abidələrin mühafizəsi naziri Nikolaz Ruruanın müvafiq əmri ilə Aspindza rayonunun Oşara kəndindəki məscidə mədəni irsin daşınmaz abidəsi statusu verilib. Həmçinin Marneuli rayonunun Qızılhacılı kəndində yerləşən və 19-cu əsrdə inşa olunmuş məscidə, Dmanisi rayonunun Qızılkilsə kəndindəki məscidə, Axalsıxe rayonunun Xosplo kəndindəki Palavandişvili məscidinə, ümumiyyətlə, ölkə üzrə 21 məscidə mədəniyyət abidəsi statusu verilib.