Gözdən əlili qatar vurdu

Vətəninfo.az  xəbər verir ki, Kürdəmir sakinini qatar vurub. APA-nın yerli bürosunun məlumatına görə, hadisə Bakı-Qazax dəmiryol xəttinin Kürdəmir rayonundan keçən hissəsində qeydə alınıb. Rayonun Xırdapay kənd sakini, 1962-ci il təvəllüdlü gözdən əlil Ağaməmməd Ağa oğlu Məmmədov dəmiryol xəttindən keçərkən onu qatar vurub. Hadisə yerində bir qolunu itirən A. Məmmədov təcili Kürdəmir Mərkəzi Rayon Xəstəxanasına yerləşdirilib. Xəstəxanadan APA-ya verilən məlumata görə yaralıya ilkin yardım göstərilib , lakin vəziyyəti ağır olduğundan Bakıya göndərilib. Faktla bağlı araşdırma aparılır.

Vətəninfo.az