Hazırda Tovuzda atışma gedir

Ermənilərin mövqelərinə edilən hücum nəticəsində qarşı tərəfin postu dağıdılıb

Hazırda Tovuzun Əlibəyli kəndində güclü atışma gedir. Vətəninfo.az ANS PRESS-ə istinadəm xəbər verir ki, iyunun 27-də saat 23:00 radələrindən Tovuz rayonunun Əlibəyli kəndi düşmən tərəfindən atəşə tutulub. Kənd icra nümayəndəsi Valeh Rzayevin verdiyi məlumata görə, Əlibəyli kəndinin evləri və həyətləri atəş altındadır. Kənd sakinləri güllələrdən qorunmaq üçün evlərə çəkiliblər və kənddə bütün evlərdə işıqlar söndürülüb. Hamı təlaş içindədir.

Ordumuz isə qarşı tərəfi susdurmaq üçün hərəkətə keçib. Ermənilərin mövqelərinə edilən hücum nəticəsində qarşı tərəfin postu dağıdılıb, neytral zonada isə yanğın meydana gəlib.

Kənd sakinlərindən xəsarət alan olmayıb.

Vətəninfo.az