Hollivud erməniləri lağa qoydu–VİDEO

Vətəninfo.az  İnterpress.az-a istinadən xəbər verir ki, Hollivudda çəkilmiş yeni film İrəvanda narazılıqla qarşılanıb.
“Amerikalının Ermənistanda qeyri-adi sərgüzəştləri” («Невероятные приключения американца в Армении») adlı bu film komediya janrında çəkilib. Filmin ssenari müəllifləri erməni əsilli amerikalılar olsa da süjet xəttində hazırkı erməni cəmiyyətini açıq-aşkar lağa qopyublar.
Söhbət Türkiyədə istirahətdə olan amerikalı turistin təsadüf nəticəsində Ermənistana düşməsindən gedir. Qırmızı, ay-ulduzlu türk bayrağına oxşayan paraşütlə tullanan amerikalını külək sakit və tolerant Türkiyədən Ermənistan tərəfə keçirir. İlk dəfə Ermənistana düşən amerikalı ətraf qonşularına nifrət və düşmənçiliklə baxan bir ölkəni kəşf edir.
Burda o sadə bir erməni qızı ilə tanış olur, onu sevir. Ancaq qızın zəhlətökən, geridə qalmış, karikaturaya oxşayan qohum-əqrabası sevgililərə rahat intim münasibətlər qurmağa imkan vermir. Bir sözlə indiki erməni cəmiyyəti incə yumorla lağa qoyulub ki, bu da kəskin etirazlara səbəb olub. Filmdə ermənilərin azərbaycanlılara qarşı da nifrəti açıq şəkildə məzhəkəyə qoyulur. Azərbaycanlılardan qorxan erməni təsadüf nəticəsində Ermənistana düşən amerikalını azərbaycanlı casus zənn edir. Bu da ermənilərin necə xoflu və kinli olduğuna bir işarədir.

Vətəninfo.az