İçərişəhər «Сümə məscidi»ndə Həzrət Əli (ə)-in mövludu münasibəti ilə tədbir keçiriləcək

May ayının 2-də saat 16-00-da İçəri şəhərdəki «Cümə məscidi»ndə Həzrət Əli (ə)-in mövludu münasibəti ilə “Mövlud” mərasimikeçiriləcəkdir. Bu barədə İçəri şəhər «Cümə məscidi» dini icmasının sədri, məscidin axundu hacı Surxay Məmmədliməlumat vermişdir.

Bildirilmişdir ki, artıq ənənə halına çevrilmiş bu mövlud tarixinin qeyd olunması ilə bağlı məsciddə müvafiq hazırlıq işləri görülüb. Tədbirdə Qafqaz Müsəlmanları İdarəsinin rəhbərliyinin, Dini Qurumlarla İş üzrə Dövlət Komitəsinin, bir sıra səfirliklərin, dini icmaların, ictimaiyyətin nümayəndələrinin və qonaqların iştirakı nəzərdə tutulmuşdur.

Tədbirdə Hz. Əli (ə)-yə həsr olunmuş film göstəriləcək, onun həyatından danışılacaq, «Əhli Beyt» və s. qruplar, tanınmış din xadimləri, alimlər çıxış edəcəklər.