İki taekvondoçumuz finala çıxıb

Bakı-2015 I Avropa Oyunlarında taekvondo yarışları davam edir.

Vətəninfo.az  Apasport.az-a istinadla xəbər verir ki, kişilər arasında 80 kq çəki dərəcəsində Azərbaycan təmsil edən Milad Beiqi Harçeqani ilkin mərhələdən yarışa qoşulub. O, ilk cəhdində serbiyalı Damir Feyziçlə üz-üzə gəlib və qələbə qazanıb – 12:0. Milad 1/4 finalda Böyük britaniyalı Muhammed Lutalonu məğlub edib - 17:5.
Harçeqani yarımfinalda portuqaliyalı Julio Ferreyra döyüşüb və 6:2 hesabı ilə qalib gələrək, finala çıxıb.
 Qadınlar arasında 67 kq çıkidə gənclər arasında dünya çempionumuz Fəridə Əzizova ilk döyüşünü Yoyse Van Baarinə qarşı keçirib. İlkin mərhələyə təsadüf edən qarşılaşma həmyerlimizin qələbəsi ilə yekunlaşıb - 2:0. Taekvondoçumuz 1/4 finalda türkiyəli Nur Tatarı isə 6:2 hesabı ilə məğlub edib.
O, finala gedən yolda isveçli Elin Yohanssonla üz-üzə gəlib. Əzizova bu qarşılaşmada da uğurlu seriyasını davam etdirib. Rəqibini 4:2 hesabı ilə məğlub edən Fəridə finala yüksəlib.
 Qeyd edək ki, taekvondo yarışlarının ilk 2 günündə yığmamızın heyətində Ayxan Tağızadə (68 kq) qızıl, Patimat Abakarova (49 kq) bürünc medal qazanıb.
 Sabah keçiriləcək daha 2 çəki dərəcəsi ilə taekvondo yarışlarına yekun vurulacaq.