İranda həbsdə olan şairlərin yaxınları hakimlə görüşdü

İranda həbsdə saxlanılan Azərbaycan şairləri Fərid Hüseyn və Şəhriyar Hacızadənin valideynləri və doğmaları onların məhkəmə işinin hakimi ilə görüşüblər.

Bu barədə  Azərbaycan Xarici İşlər Nazirliyinin (XİN) mətbuat katibi Elman Abdullayev məlumat verib. Görüşdə Azərbaycanın Təbrizdəki Baş Konsulluğunun nümayəndəsi də iştirak edib. Hakim şairlərin yaxınlarına bildirib ki, iş üzrə dəqiqləşdirmələr aparılır, lakin məhkəmə qərarının veriləcəyi gün hələlik məlum deyil. 
Yaxınları Fərid Hüseyn və Şəhriyar Hacızadənin özləri ilə də görüşüblər.
Qeyd edək ki, mətbuatda azərbaycanlı şairlərin guya avqustun 15-də məhkəmə prosesinin keçirilməsi barədə məlumatlar yayılıb.
Xatırladaq ki, Fərid Hüseyn və Şəhriyar Hacızadə İrana şeir festivalında iştirak üçün gedib və mayın 2-də orada həbs olunublar. 
APA