İrandakı növbəti zəlzələ Azərbaycanda da hiss olundu

Yeraltı təkanlar Şərqi Azərbaycan vilayətində - Təbrizdən 71 km şimal-şərqdə qeydə alınıb

Ötən axşam İran İslam respublikasdında növbəti dəfə zəlzələ baş verib.  AMEA Seysmoloji araşdırmalar mərkəzinin rəsmi internet saytı xəbər verir ki, 5 ballıq yeraltı təkanlar yerli vaxtla saat 17.49-da Şərqi Azərbaycan vilayətində - Təbrizdən 71 km şimal-şərqdə qeydə alınıb. Yerin 5 km dərinliyində meydana gələn zəlzələ Azərbaycanın Naxçıvan və Lənkəran bölgələrində də 3 bal gücündə hiss olunub.

Zəlzələnin Vərziganda meydana gəldiyini xəbər verən “İrna” agentliyi yeraltı təkanların yerli sakinlər arasında təşvişə səbəb olduğunu bildirib. Məlumata görə, təbii fəlakət nəticəsində insan tələfatı və dağıntı meydana gəlməyib.

ans