İŞİD Qarabağa əmir təyin edib

Vətəninfo.az Bizim Yol-a istinadən xəbər verir ki, İŞİD-in Azərbaycanla bağlı planları açıqlanıb.

 “İŞİD-lə bağlı Azərbaycanda da ciddi təbliğat aparılır. Azərbaycandakı vəhabilər İŞİD-in hər bir uğuruna sevinir və bunu gizli şəkildə bayram kimi qeyd edirlər. Onlar tam olaraq zombiləşiblər. İŞİD-in Azərbaycanda nümayəndəliyi də fəaliyyət göstərir. Onlar hətta bu barədə təbliğatlarında deyirlər ki, guya Qarabağı özləri azad edəcəklər və orada Qarabağ əmirliyi elan olunacaq. Hətta bu gün Sumqayıtın sayılıb seçilən vəhabilərindən biri özünü Qarabağ əmiri də elan edib. Ona xeyir-duanı isə İŞİD-in elan etdiyi xilafətin «xəlifəsi» Əbu Bəkr Bağdadi verib», məlumatda bildirilir.

 

Onu da bildirək ki, mənbəmiz həmin sumqayıtlı «əmir»in kimliyi barədə əlavə bilgiləri verməyib. 

Vətəninfo.az