Kadırovdan sərt açıqlama

"Heç kəsə Peyğəmbərimizi təhqir etməyə icazə verməyəcəyik"

Vətəninfo.az  xbər verir ki, Çeçenistan lideri Ramzan Kadırov özünün "İnstaqram" səhifəsində yayımladığı məlumata görə, yanvarın 19-da Qroznıda Məhəmməd peyğəmbərin (s) karikaturalarının dərc edilməsinə qarşı xalq yürüşü həyata keçiriləcək.

“Biz daim dua edirik ki, peyğəmbərimiz Allahın hüzurunda bizə duaçı olsun. Fransız jurnalının müəlliflərinin və buna onları təhrik edən güclərin əxlaqsız hərəkətlərinə öz açıq münasibətimizi söyləməyin vaxtı çatıb. Bizim tərəfimizdən bu hərəkətlərin qınanmasını göstərən xalq yürüşü keçiriləcək”, - deyə Kadırov bildirib.

Respublika başçısının sözlərinə görə, yürüşdə 500 mindən çox insanın iştirak edəcəyi gözlənilir: “Biz bütün dinlərə hörmətlə yanaşırıq. Amma heç kəsə bizim Peyğəmbərimizi təhqir etməyə icazə verməyəcəyik! Kim bunu etməyə çalışsa, bizim düşmənimizdir!”, - deyə Kadırov qeyd edib.