Körpü hər an uça bilər - Quba yolunda avtomobillərin hərəkəti dayandırıldı

Quba rayonu ərazisində, Vəlvələçay üzərində yerləşən 118 metrlik körpü qəzalı vəziyyətə düşüb.

“Vətəninfo.az” APA-nın şimal bürosuna istinadən xəbər verir ki, bu səbəbdən Gəndob-Quba yolunda avtomobillərin hərəkəti məhdudlaşdırılıb. Bakıdan Qubaya və Rusiya Federasiyası sərhədinə gedən avtomobillər Xaçmaz rayonundan keçməklə hərəkət edir. 

Quba 5 saylı Yol İstismar İdarəsinin rəisi Aydəmir Manafov  bildirib ki, dayaqlarda problemlər yaranıb və körpü təmirə dayanıb. İdarə rəisi bir müddət yolda avtomobillərin hərəkətinin məhdudlaşdırılacağını qeyd edib