Küçəyə atılmış uşağın ölümü ilə bağlı prokurorluqda cinayət işi qaldırıldı

Baş Prokurorluq Bakıda baş verən uşaq ölümü ilə bağlı məlumat yayıb.

Qurumun mətbuat xidmətindən Vətəninfo.az verilən məlumata görə, oktyabrın 22-də saat 14 radələrində paytaxtın Nəsimi rayonu ərazisində yerləşən 1 saylı Körpələr Evinin qarşısında yeni doğulmuş qız uşağının aşkarlanması, ona orada təcili tibbi yardım həkimləri tərəfindən müvafiq yardım göstərilməsinə baxmayaraq orada vəfat etməsi faktına görə rayon prokurorluğunda Cinayət Məcəlləsinin 124-cü (ehtiyatsızlıqdan adam öldürmə) maddəsi ilə cinayət işi başlanıb.

 

Hazırda iş üzrə zəruri istintaq tədbirləri davam etdirilir.