Kürdlər İŞİD paytaxtının sərhədinə yaxınlaşıb

Vətəninfo.az xəbər verir ki, Suriyada kürd üsyançı qüvvələri Rakka əyalətinin sərhədlərinə yaxınlaşıblar.

Bu əyalət "İslam dövləti" qruplaşmasının nəzarət etdiyi ərazilərin ən mühüm hissəsidir. Britaniyada yerləşən Suriya insan hüquqlarını müşahidə mərkəzinin verdiyi məlumata görə kürd döyüşçüləri və yerli müttəfiq silahlı qruplar 20-yə yaxın kəndi ələ keçiriblər.

ABŞ-ın başçılığı ilə beynəlxalq koalisiyanın hava qüvvələrinin dəstəklədiyi kürdlər yanvar ayında sərhədyanı Kobani şəhəri yaxınlığındakı döyüşdə cihadçıları darmadağın etdikdən sonra cənuba doğru hərəkət etməkdədirlər.