Ölkədə siyasi böhran - Hökuməti qurmaq təklifi rədd edildi

Ölkədə siyasi böhran - Hökuməti qurmaq təklifi rədd edildi

Küveyt Baş naziri Cabir əs-Sabah ölkə əmiri Şeyx Sabah əl-Əhməd əs-Sabahın hökuməti qurmaq təklifini rədd edib.

Ötən həftə istefa verən baş nazir bu göstərişi yerinə yetirmək üçün sosial şəbəkə və mediada barəsində yayılmış ittihamlardan bəraət almasının vacib olduğunu açıqlayıb.

Cabir əs-Sabah Küveyt əmirinə verdiyi yazılı cavabda bildirib:

"Bu vəzifəni yerinə yetirmək üçün əvvəlcə məhkəmədə günahsız olduğumu sübut etməliyəm. Bu vəzifəni qəbul etməməyimin səbəbi də sizə olan hörmətimin bir nümunəsidir”.

Küveyt əmiri bu gün verdiyi sərəncamla müdafiə naziri olan oğlu Nasir əs-Sabah və daxili işlər naziri Xalid əs-Sabah postlarından uzaqlaşdırıb.

Baş nazir Cabir əs-Sabah noyabrın 14-də istefa verib. Bundan sonra açıqlama yayan Nasir əs-Sabah onun orduya aid fonda məxsus pulları mənimsədiyinə görə vəzifəsindən uzaqlaşdığını iddia etmişdi.

O bu vəsaitlərin həcminin 240 milyon dollar olduğunu demişdi.

 



İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
infomiqaz@gmail.com

www.miq.az