Manyaklar Şəmkirdə fövqəladə vəziyyət yaradıblar - ŞOK

Artıq 20 günə yaxındır ki, Şəmkirin bir neçə kəndinin sakinləri polislə birgə səhərədək növbə çəkirlər.

Onların dincliklərini pozan, dediklərinə görə, üzlərini görə bilmədikləri 3 nəfər saqqallı, hündürboylu adamlardır. Şəmkirdə «Maflar ərazisi» kimi tanınan Müşfiq Qəhrəmanov küçəsinin sakini Eldar Cəfərov deyir ki, həmin şəxslər indiyədək təkcə onların küçəsində 7-8 evə giriblər, 1 qadını bıçaqlayıblar: «Bizim qonşuda gəlini bıçaqlayıblar. Cavan qızı qorxudublar. Polis növbə çəkir. Amma gecə-gündüzümüz yoxdur. Görənlər də deyir ki, gedirik, yaxına çatanda yoxa çıxır. O biri qonşuya da girib. Polis də gəlir «zajiqalka» işığı ilə. Tutmağa gəlirsən, itlə gəl, silahla gəl. Fənərlə adam tuturlar?».