Mediada utancverici yalan xəbər... - ŞOK

Mediada şəhid Emin Quliyevin atasının özünü Milli Məclisin qarşısında yandırmağı barədə məlumatlar yayılıb.

Məlumatda bildirilir ki, orta yaşlı bir kişi Milli Məclisin binasında özünü yandırmaq qərarına gəlib. O, üzərinə benzin tökərək, özünü yandırıb. İnsidentə səbəb isə, onun bu yaxınlarda şəhid düşmüş oğluna heç kimin yiyə durmamasıdır. Özünü yandırmaq istəyən şəxs şəhid Quliyev Eminin atası İsmayıl Quliyevdir.
Məsələyə aydınlıq gətirmək üçün, Daxili İşlər Nazirliyinin mətbuat xidmətinin şöbə rəisi Orxan Mansurzadə ilə əlaqə saxladıq. O. Mansurzadə bildirdi ki, bizə bu haqda məlumat daxil olmayıb.
Qeyd edək ki, cəbhədə vəziyyətin ağır olduğu, şəhid xəbərlərinin gəldiyi bir vaxtda bəzi media mənsublarının belə yalan xəbərlər yayması sadəcə olaraq utancvericidir.

Könül İbrahim