Mehmet Ali Ağca deportasiya olundu

Katoliklərin keçmiş lideri papa II İohan Pavelin qəbrini ziyarət etmək üçün İtaliyaya gedən Mehmet Əli Ağca bu ölkədən deportasiya olunub.

Vətəninfo.az xəbər verir ki, ziyarət məqsədilə bu ölkəyə gedən Ağca polis tərəfindən saxlanılaraq bir müddət nəzarətdə saxlanılmışdı.

M. Ə. Ağca ötən gecə yerli vaxtla saat 23.00-də təyyarə ilə İstanbula qayıdıb. 

Xatırladaq ki, Mehmet Əli Ağca 1981-ci ildə katoliklərin lideri II İohan Pavelə sui-qəsdə cəhd etmişdi. Uğursuz sui-qəsd cəhdindən sonra saxlanılan Ağca 30 il həbsə məhkum olunmuşdu.

2010-cu il yanvarın 18-də həbsdən buraxılan Ağca papa 16-cı Benediktlə görüşmək istədiyini bildirmişdi.