“Məsələnin mənimlə bağlı hissəsində yanlışlıq var"

Türkiyənin baş naziri Əhməd Davudoğlunun 2013-cü ilin sentyabr ayında nurçu camaatının ABŞ-da yaşayan lideri Fətullah Gülənlə görüşməsi barədə açıqlama verməsinə keçmiş prezident Abdullah Gül münasibət bildirib.
Vətəninfo.az Modern.az-a istinadla xəbər verir ki, Azərbaycandan ölkəsinə qayıdan Türkiyənin 11-ci prezidenti Abdullah Gül Atatürk hava limanında Davudoğlu-Gülən görüşü haqqında jurnalistlərin ona verdiyi sualı cavablandırıb.
O, “Əhməd Davudoğlu 2013-cü ildə sizin icazənizlə Fətullah Gülənlə görüşdüyünü deyib. Bununla bağlı nə deyə bilərsiniz?” sualına belə cavab verib:
“Məsələnin mənimlə bağlı hissəsində yanlışlıq var. Mən Əhməd Davudoğlunun Fətullah Gülənlə görüşünü sonradan öyrənmişdim”,-deyə Abdullah Gül bildirib.
Qeyd edək ki, Əhməd Davudoğlu hələ xarici işlər naziri olarkən o vaxtın baş naziri Rəcəb Tayyib Ərdoğanın və prezident Abdullah Gülün razılığı ilə  Fətullah Gülənlə görüşdüyünü qeyd edib.