Mətanət İsgəndərlini AzTV-dən çıxartdılar

Vətəninfo.az  xəbər verir ki, əməkdar artist Mətanət İsgəndərlinin Azərbaycan Dövlət Televiziya və Radio Qapalı Səhmdar Cəmiyyətində solist-vokalçı kimi fəaliyyətinə xitam verilib. Axar.az-ın məlumatına görə, bu sözləri müğənni özü bu gün Nərimanov rayon Məhkəməsində baş tutan məhkəmə prosesində bildirib. O, işdən uzaqlaşdırılmasının səbəbini izah etməyib.
 
Qeyd edək ki, bu gün Mətanət İsgəndərlinin “Aznews.az” saytının Baş redaktoru Elçin Zahiroğluna qarşı xüsusi ittiham qaydasında iddiası üzrə məhkəmə prosesi keçirilib. Müğənni özü haqda narkotik istifadəçisi olması ilə bağlı yayımlanan informasiyaya görə baş redaktorun həbsini istəyir. M.İsgəndərli 16 sentyabr 2006-cı ildə Azərbaycanın Əməkdar artisti adına layiq görülüb.

Vətəninfo.az