Milli Məclisin son iclası 29-da keçiriləcək

Milli Məclisin sonuncu növbədənkənar plenar iclası iyunun 29-da keçiriləcək. MM mətbuat xidmətinin rəhbəri Akif Təvəkküloğlunun “APA”-ya verdiyi məlumata görə, iclasda ümumilikdə 34 məsələ müzakirəyə çıxarılacaq. Müzakirəyə çıxarılacaq məsələlər sırasına Qırğızıstan, Bolqarıstan, Makedoniya, Hindistan, Ukrayna ilə hökumətlərarası sazişlərin, bəyanatların və digər sənədlərin təsdiqi də daxildir. Həmçinin, «İctimai televiziya və radio yayımı haqqında» qanuna, İnzibati Xətalar və Cinayət məcəllələrinə dəyişikliklər olunacaq.