“Minsk qrupunun verdiyi mənasız bəyanatları yığsan bir neçə tonluq qalın kitab alınar”

Azərbaycan və Ermənistan Xarici nazirlərinin Parisdə keçrilən görüşləri sıradan bir görüşdür və digərlərindən heç bir şeylə fərqlənmir. 

Bu sözləri “Vətəninfo.az”a Beynəlxalq və Niderland Jurnalistlər Birliyinin üzvü, politoloq Vüqar Abbasov bildirib.

“Yenə də eyni sözlər, eyni açıqlamalar. Bu görüşlər artıq o qədər mənasızlaşıb ki, bunları şərh etməyinə belə dəymir. Politoloqlar müxtəlif zamanlarda keçirilən bu kimi mənasız görüşləri şərh etməkdən yoruldu, ancaq bu rəsmilər görüşməkdən yorulmadılar. Artıq başqa bir şey düşünməlidirlər. Xüsusən Azərbaycan tərəfi mənasız görüşlərlə insanları aldatmağa son qoymalıdır. İndi adi bir məktəbli belə Minsk qrununun adı gələndə, ifadəmə görə bağışlayın,diksinir. Onların verdiyi mənasız bəyanatları yığsan bir neçə tonluq qalın kitab alınar, heç kimə lazım olmayan, tullanası bir kitab. Düşünürəm ki, Azərbaycan tərəfi konkret bir vaxt qoymalı və bu müddət ərzində münaqişənin həllində az da olsa irəliləyişə nail olmağa çalışmalıdır”,-deyə Vüqar Abbasov qeyd edib.

Elnur Eltürk