MTN daha bir əməliyyat keçirib

Milli Təhlükəsizlik Nazirliyi (MTN) Zaqatalada növbəti əməliyyat keçirib. “Vətəninfo”nun məlumatına görə, həyata keçirilən xüsusi əməliyyat nəticəsində iki nəfər – Mahmud Lələyev və Teymur Qaracayev saxlanılıb. Adıçəkilən şəxslərin evlərindən və pay torpaqlarının ərazisindən silah-sursat və partlayıcı qurğular aşkar edilərək götürülüb. MTN-in Zaqatalada ötən gün tutduğu Mahmud Lələyev nazirliyin bir neçə gün əvvəl həyata keçirdiyi əməliyyat zamanı saxlanılan Bəhruz Lələyevin atasıdır. Gəncə hadisələri zamanı Zaqatalada keçirilən əməliyyat zamanı daha üç nəfər - Mehdi Padarov, Nəsrullah Yunusov və Rəşad adlı şəxslər də tutulublar.