Müğənni fransız dilini öyrənir

Şəbnəm Tapdıq: "Artıq müəyyən sözləri öyrənmişəm və bir az danışa bilirəm”

Əməkdar artist Şəbnəm Tapdıqova fransız dilini öyrənməyə başlayıb.

Müğənni Ailem.az-a bildirib ki, bu, onun ən sevimli məşğuliyyətinə çevrilib: “Mən fars dilini bilirəm. Əcnəbi dillər arasında ən çox sevdiyim dil isə fransız dilidir. Çox xoşuma gəlir, xüsusilə də tələffüz etmək. Hazırda lüğətdən sözləri və danışıq kitabçasından bəzi cümlələri deməyi öyrənirəm. Mənə deyiblər ki, söz bazanı zənginləşdir, sonra qrammatikanı öyrədəcəyik. Artıq müəyyən sözləri öyrənmişəm və bir az danışa bilirəm”.

Ş.Tapdıqova fransız dilini mükəmməl öyrənəcəyinə inanır: “Bu dili tam öyrənmək istəyirəm. Artıq bu, mənim üçün bir hobbiyə çevrilib və çox həvəsliyəm. Mən onun-bunun paltarına, göz-qaşına, bəzək düzəyinə baxmağa vaxt sərf etmirəm. Mənim məşğuliyyətim elmdir”.